BAWAL

Bawal ako
Bawal tayo
Bawal ang mga bulaklak sa hardin
Bawal ang mga bituin
bawal ang tubig
bawal ang dahong nagsasayaw
bawal ang mga ibon
bawal ang bus
bawal ang mga salita
bawal ang kanta
bawal ang titig
bawal ang tawa
bawal ang halik.
bawal tayong dalawa.

Pangarap

Bigla akong hinablot 
ng mga sandali
Ako'y naka sandal sa pader
Niyayapos ang mga salitang
Natura na sa aking bibig.

Balintataw muling pinalipad
Sa daluyong ng buhay
ang kahihinatnan ng bukas
at mga dalangin sa payapang
daigdig

Ako'y naglalakbay
sa mga isla ng paraiso
sa dagat ng kawalan
sa himpapawid ng kamalayan
dunong parin ay walang kasiguraduhan.

Lumipas ang mga araw
at ako'y nagbabalik
sa mga pader ng kahapon
unti-unting napapagtanto
ang palihis na landas
landas na hindi
patungong liwanag
tumatalikwas
sa aking nasimulang
pangarap.